مشترياتي من تركيا ..

السلام عليكم ورحمة الله .. 

كيفكم جمييعاَ ؟

رجعت لكم بعد غياب طويل ،، بس الصراحة الواحد مايتحمس يكتب شي !

محد يعلق ولا أحد يشارك ..

يلا الله يكثركم ويزيدكم و يجعلكم تشدو حيلكم وتطلقو المشاركات اللي بداخلكم .. :p

تدوينتي اليوم عن " مشترياتي من تركيا " زي ماهوا باين من العنواان ..

طبعاً المفروض تنزل من زمان ، وقت مارجعت شهر أكتوبر .. بس زي ماقلتلكم الواحد يتقاعس لما مايشوف تفاعل ..

مااعليناا يا أحباب ، خلينا نبدآ :D

طبعاً المشتريات كلها مكياج + skin care " عناية " <3

شكراً لمشاهدتكم و مشاركاتكم وتشجيعكم .. :D

نبدآ بأول محل وهوا شي زي الصيدلية عندهم يشبه فكرة بوتس .. وموجود في أماكن كتير والصرراحة نسيت أنا أي فرع اللي رحتو بس وسط مول كان مو في الشارع ..

زي ماهوا مكتوب اسمو " gratis "

المهم عندو مكياج الدرق ستور ، وأشيااء أخرى ..

أخدت منو دي الأربعة أشياء : هايلايتر باليت من سليك - ومسكرا من ميبلين - واي لاينر ميبلين برضو - والمزيل حق قارنيه <٤ :D

وهنا حسويلكم زوم عالمنتجات عشان تشوفوها ..

مانستغني عن مساعدات الغنوش :D هادي الوانها ، ٢ منها كريمية ، ٢ باودري ..

هادي مسكرة ميبلين الحب ،، والله مرررة حبيتها والفترة اللي فاتت مابستخدم غيرها ، مرة جميلة ..

آخر شي هادا الآي لاينر العجيب :p ، الصورة من قوقل طبعاً ،، المهم انو مشاعري متذبذبة معاه :p ساعات أحبو ساعات لا:p بس ماتزكر انو كان بأكتر من ١٩ ليرة عشان كدا مو خسارة التجربة فيه ..

كيسهم نفس حقنا مافي اختلاف :p

 بعدين المحل التاني ، H&M الحب .. انا من يوم ماشفت اللاين حق المكياج اللي نزلو وأنا خاقة معاه ونفسي أجربو بس الصراحة كنت أستخسر لأني ماعرف عنو شي ومايعتبر رخيص عندنا ، وطبعاً مع فارق الأسعار في تركيا ،،  وبعد ماسمعت حنان النجادة ووعد التركي اتكلمو على أشيائهم + فديوهات اليوتيوب ، قررت أدخلو وأكتشف :p ومن جد مرة انبسطت وماندمت أبداً ..

صورة عامة لكل الأشياء .. <3

المناكير حقهم مررررة جيد وسعرو ممتااز يعتبر ، وجودتو طيبة ، من يوم ما اشتريتو وأنا بس معلقة عليه .. لونو أغمق من اللي ف أصباع غنى ..

هادي أكتر صورة غير مهزوزة قدرت آخدها للمسكرة :p .. ماحسيت فيها شي مميز كتير .. يعني مح ارجع اشتريها!

هادا البلاشر الجميل جداً ،، وعالوجه مرة حلو الصراحة ، بس انو مو ثابت مرة ، يلزم نعيد عليه خصوصاً لو طّول وقت الخرجة :D

بالنسبة للآي شادو ماعملتلو سواتش ، فأخدتو من قوقل من دي المدونة : http://www.lovestylemindfulness.co.uk/hm-beauty-haul/

بعدين من حسن حظي كنت بأتصفح ف الانستقرام وشفت انو NYX عندهم متجر هناك و بحثت وعرفت انو في جواهر مول في دبنهامز ازا ماخاب ظني ..

هادا الكيس حقهم ،، مرة كان عاجبني وأباكم تشوفو فما فرّطت فيلو :D .. بس شكلو يشتكي مسكين :p

هادي كانت أغراضي :D .. أخدت بس الكونتور ودا الروج الجميل ..

ريفيو للون ،، وكمان لو غمّقتو طبقة يطلع نفس اللون حقوو .. مرة جمييييل :D اسمو : copenhagn كوبنهاقن ..

وآخر شي للمكياج ،،، سيفورا الحب طبعاً :D

كيسهم أظنو زي حقنا ؟ :P

أخدت منو شيين بس ..

فاونديشن أربن ديكاي وآي لاينر لانكوم ..

الاي لاينر من قريب .. جداً جميل ، وجداً حابتو وفكرتو حلوة انو ينعكف الطرف اللي تمسكوه منو عشان يساعد عالرسم ، بعدين بعد ماتحطوه يصير مات .. بس فيلو عيب شوية انو لو طول عالعين يتقشر :p !

دا الفاونديشن من قريب .. لونو عالجلد طيب ، بس احسو كأنو يغمق شوية لما ينحط عالوجه ويتفاعل معاه >.< بس عادي مو بطال ..يصير كأنو برونز :p بس أحسو ماينفع لكل يوم لأنو Full cover! 

بالنسبة للSkin care = العناية .. أخدت من محل واحد اللي هوا KIEHL'S لأنو من زمان أبا من أغراضهم وماعندنا المحل ف السعودية! والتاجرات كالعادة الأسعار فالعلالي -_- !

صورة لكل المنتجات :D 

دا أول شي اللي هوا الغسول .. 

هادا تونر :D

هادا كريم العين ، أكتر شي سمعت عليه مدح من اليوتيوب ..

هادا أخر شي اللي هوا كريم مرطب للوجه .. أنا ماشتريتو ، جا هدية مع الاغراض اللي اخدتها و كمان جاني عينة لكريم العين اللي بالأفوكادو اللي برضو مرة عليه مديح .. :D

هادا كل شي لتدوينة اليوم .. ان شاء الله تكونوا انبسطو فيها .. أفرح بتعليقاتكم ومشاركاتكم .. 

كونوا بخير :)