السلام عليكم ورحمة الله وبركاته ،، كيف حالكم جميعاً ؟
.
.
.
تدوينة اليوم راح تكون سلسلة اسمها زي العنوان " البديل الأرخص " استوحيت فكرتها من المكيب آرتست الغنية عن التعريف ما شاء الله تبارك الله { وعد التركي } .
كل بعد فترة راح أحط منتجات " جربتها " من ماركات فخمة وغالية " هاي إند " زي ما يقولوا ، ومنتجات بديلة لها بسعر أرخص " درق ستور " !
وأول تدوينة لهادي السلسلة راح تكون حقت اليوم ، واللي هيا عن باليتين من ماركتين مختلفة ، لكن في النهاية نفس النتيجة ازا مو أحسن :p
يلا نبدآ ..
 |
| هادا شكل البالتين من برا . ١- W7 in the buff ٢- Naked2 urban decay |
 |
| هادا شكلهم من جوا .. :D التشابه فظيييييع !! |
 |
| زي مو باين ، كل واحد فيهم تجي معاه فرشة ، ماستخدمت ولا وحدة فيهم بشكل رسمي ، الا حقت نيكد مرة مرتين . |
طبعاً أنا سويت سواتشات عاليد للاتنين في نفس الالوان تقريباً ..واتفاجأت انو النتيجة وحدة بس حبيت حقت الباليت التاني اكتر من نيكد!
للأمانة باليت نيكد من زمااااان عندي يمكن عشان كدا ، بس والله شفت ف اليوتيوب مقارنة بينهم عالعيون ونفس النتيجة برضو ..
 |
| هادا سواتش على يد بنتي للنيكد ٢ :D |
 |
| هادا سواتش لباليت دبليو سفن! أبهرتني النتيجة حقيقة! <3 |
للأمانة : ماحطيت أبداً برايمر ف أي أحد ، أتوقع لو مع برايمر حيكون الاتنين نتيجتهم أفضل!
نجي للأسعار وأماكن الشراء :
نيكد ٢ : ب ٢٠٠ أو ٢٥٠ بهادي الحدود ماتزكر بكم بالزبط!
تلاقوه في : سيفورا ، عند التاجرات ، أون لاين " أمازون وغيرو "
دبليو سفن : ب ٧٠ ريال ، وأون لاين أظن ٣٠ - ٤٠ ريال !
تلاقوه : عند التاجرات " أنا جاني هدية من متجر عمتي دحين أحطلكم رابطو " عندها أشياء جميلة مو بس دا ..
وكمان تلاقوه في أمازون برضو ،،
* حبيت الباليت مرررة خصوصاً لو للمبتدئين اللي يبو يتعلمو مكياج ، وفي نفس الوقت مايبغو شي غالي *
ان شاء الله تكونو حبيتو التدوينة ، أشوفكم في تدوينة تانية . :D
ليست هناك تعليقات:
إرسال تعليق