الجمعة، 27 يناير، 2017

مشترياتي من تركيا ..

السلام عليكم ورحمة الله .. 

كيفكم جمييعاَ ؟


رجعت لكم بعد غياب طويل ،، بس الصراحة الواحد مايتحمس يكتب شي !

محد يعلق ولا أحد يشارك ..

يلا الله يكثركم ويزيدكم و يجعلكم تشدو حيلكم وتطلقو المشاركات اللي بداخلكم .. :p


تدوينتي اليوم عن " مشترياتي من تركيا " زي ماهوا باين من العنواان ..

طبعاً المفروض تنزل من زمان ، وقت مارجعت شهر أكتوبر .. بس زي ماقلتلكم الواحد يتقاعس لما مايشوف تفاعل ..

مااعليناا يا أحباب ، خلينا نبدآ :D

طبعاً المشتريات كلها مكياج + skin care " عناية " <3

شكراً لمشاهدتكم و مشاركاتكم وتشجيعكم .. :D

الأحد، 4 سبتمبر، 2016

البديل الأرخص :D

السلام عليكم ورحمة الله وبركاته ،، كيف حالكم جميعاً ؟

.
.
.

تدوينة اليوم راح تكون سلسلة اسمها زي العنوان " البديل الأرخص " استوحيت فكرتها من المكيب آرتست الغنية عن التعريف ما شاء الله تبارك الله { وعد التركي } .

كل بعد فترة راح أحط منتجات " جربتها " من ماركات فخمة وغالية " هاي إند " زي ما يقولوا ، ومنتجات بديلة لها بسعر أرخص " درق ستور " !

وأول تدوينة لهادي السلسلة راح تكون حقت اليوم ، واللي هيا عن باليتين من ماركتين مختلفة ، لكن في النهاية نفس النتيجة ازا مو أحسن :p 

يلا نبدآ ..

الخميس، 18 أغسطس، 2016

مشترياتي من أمازون -- Amazon haul :D

السلام عليكم .. 

كيف حالكم جميعاً ؟
.
.
.

اليوم تدوينتي حماااسية D: <3

أحب مررررة أتفرج على هادي النوعية من الفديوهات أو أقرآ زي كدا تدوينات تحمس ..

أحب أتفرج الناس اش يشتروا :D مين زيي ؟؟؟

يلااا نبداا أول ماوصل الكرتوون <3


الصندوق الجميل اللي يخلي القلب يدقدق من الحماس :p  

وهنا المنظر الجميل أول ما فتحتو :D <3

الاثنين، 8 أغسطس، 2016

مشترياتي من باث آند بودي BATH AND BODY HAUL

السلام عليكم ،

كيفكم جميعاً ،، من زمااان مادونت ، بس الصراحة لأنو مافي تفاعل وأظن مافي أحد بيقرأ في مدونتي ،،
بس يلا >_< ان شاء الله الناس تعرفها فجآة :p مدري كيف ،،!




هادي الأكياس D:

* أحب أشتري منو وقت التخفيضاات ، عشان الشموع عندو مرة غالية مو مرة يسوى الصراحة ،، بس كريماتهم رهيبة وحتى الشور جيل *
يلا شووفو اش اشتريت .. D= 


هادي أول شمعة ، ريحتها خوخ وشي تاني ماعرف أوصوفو بس جميلة ريحتها :D
طبعاً دي أسعار الشموع ، كلها اللي عليها تخفيض كانت ب ٩٥ صارت ب ٤٥ <3

هادي التانية مررررررة حبيتها،، ريحتها جميييلة بس ماعرف اوصف الصراحة ،، بس كدا تفاح ونضافة وزي كدا :p 
هادا كريم جمييييل جداً وريحتو جميلة وترطيبو عميق  أحب أحطو بعد التحميم يا سلاام عالإنتعاش <3
ريحتو كأنها حلاوة قطن أو سكر زي كدا :D
زي ماهوا واضح ،، كان ب ٧٥ وصار ب ٣٥ .. أنصحكم فيه يجنن <٤
هادا شور جيل " صابون استحمام " ، ريحتو جميلة ومنعشة ، زوجي أختارو :D
آخر شي ، هادا الشي الجميل جداً ، برضو صابون استحمام ، أنا أخترتو مرررة ريحتو حلووة نضااافة وانتعاش ، عادي استحمى ٣ مرات عشان أنبسط بريحتو :p 

طبعاً ماكنت عارفة كم كان الشور جيل وكم صار فصورت الفاتورة :p .. أشوفكم في تدوينة جديدة <3
تعليقاتكم تحمسني <3
زي مهو باين الشور جيل ب ١٥ وكان ب ٦٠ :D

الخميس، 14 يوليو، 2016

خمسة أشياء ما أستغني عنها في المكياج :D

بسم الله الرحمن الرحيم ..

.
.
.

السلام عليكم ورحمة الله <٤ كيف حالكم جميعاً ؟

تدوينتي اليوم حتكون زي مو باين في العنوان : خمسة أشياء ما أقدر أستغني عنها ،

يعني مسلاً لو جاتني فجأة سفرة ،،  ومررة لازم أشيل معايا أغراض قليل وصار لازم اني آخد بس خمسة أغراض حتكون هادي =P

" الصراحة بيني وبينكم مرررة قليل ٥ أشياء " فيعني أنا صورت خمسة ، بس لو قدرت احشر شيين أو ٣ حكون مبسوطة :$


هادي الخمسة أشياء كلها سوى <٤


المهم نبدآ بأول وأهم شي بالنسباالي :
الكوركتر : corrector 

طبعاً ليه بالنسبالي هو أول وأهم شي ؟ لأنو هالاتي مرة غامقة >ـ<
الشي التاني :
الكونسيلر : concealr 

هادا حبيبي والله من ميبلين " فيت مي " رقمو ٢٠

الشي التالت :
الآيلاينر ، أحس ما أكون أنا لو مني حاطة آي لاينر مررررة أحبو <٤
في الصورة في نوعين ، واحد من " وجوه " صرلي أستخدمو شهر ، وأحس حبيتو <٤
والتاني من زماااان أستخدمو من " لوريال " =D





الشي الرابع :
المسكرااا
برضو أحس انو مايُستغنى عنها ، مررة تدي شكل جمييييل للعيون =D 


مسكرا " ذا رولر لاش من بنفيت الحب "
الشي الخامس والأخير :
حيكون هادا الروج ، أخترتو بدا اللون بالعنية ، عشان اقدر بأصباعي أحط منو على خدودي =P

من wet n wild ورقمو مدري اسمو E915B
وهادا سوااتش على يد بنتي =P

في اسم تاني لقيتو مدري لو هوا ولا لا : spiked with rum
عالعموم دي الأرواج مو عندنا في السعودية ، أنا حقي من تركيا ، بس في تاجرات يوفروه ;)

آخر شي لو سمحولي أخبي كم شي زيادة معايا حيكونو دي الأشياء :D
باليت بلاشرات من تارت ، هادا أجمل شي فكل الكولكشن حق مكياجي ..
" بغض النظر عن وصاختو ، اتككررررف =P " ، المهم باليت الكونتور والبودرة وحتى فيلو اضاءة مررة أحبوو ..

هادا الحببب من كلر بوب " كل شي عندي حب " =P لا من جد مرة طبيعي وحلو عالشفايف وينفع مع كتير لوكات ..


هادا كان كل شيء لتدوينة اليوم ،، أشوفكم في تدوينة تانية <٤

* تعليقاتكم تسعدني وتحمسني إني أستمر .. *







الاثنين، 11 يوليو، 2016

أهلاً بكم في عالمي الجميل ..

بسم الله الرحمن الرحيم ..

السلام عليكم جميعاً D=
.
.
.


بدايةً ،،

مرحباً بيكم جميعاً في عالمي الجميل

مدونتي حتكلم فيها عن كل شي ماحتطرق بس لمواضيع الجمال ، أو بس الطبخ ، أو الأمومة أو الأسرة " بحكم خبرتي المتواضعة " D;
حتكون " بتاع كلوو " :p

ويارب أفيد وأستفيد ..

طول الفترة اللي فاتت قريب ٣ أو ٤ سنين أنا أتابع مدونات ، وأحب دا العالم .
وكل مرة نفسي أسوي مدونة أأجل أو يطلعلي أي شي يخليني أهوّن ، وقررت أخيراً انو خلاص أبدأ ، خصوصاً إنو صار عندي لاب توب يفتح النفس <3 الحمدلله ..
وبس والله ،

اسمي شيماء ، عمري ٢٥ ، متزوجة ، وعندي بنتين ما شاء الله <٤

وأهلاً بالجميع :)